A Semente: Fundamentos dos nossos centros
Nestes momentos a Semente Compostela conta com dous centros de infantil (Torreira e Salvadas) e um centro de educaçom primária em Cancelas. O Projeto Moas possibilitará juntar os três centros num e com isso melhorar em muitos aspetos.
Semente Infantil
Na Semente consideramos que os espaços som umha ferramenta mais para educar e é por isso que damos muita importáncia aos nossos locais.
Um dos nossos princípios é a interaçom com a natureza, daí que procuremos locais com quintal para que as nossas crianças poidam estar todos os dias ao ar livre.
Apostamos num modelo de decisom em que participamos dumha forma horizontal da vida na aula e é por isso que damos importáncia ao espaço de assembleia ou estruturamos a aula sem que ninguém tenha um lugar específico, nem a educadora.
Os locais som espaços flexíveis que vam mudando segundo as necessidades que poidam ter a crianças específicas ou o grupo ajudando assi na procura dumha semente inclusiva.
Procuramos locais que tenham luz natural em todas as suas salas fomentando o benestar do grupo.
A Semente é um espaço feminista e laico polo que antes de incorporar qualquer material à nossa aula tem que passar umha peneira com esta visom crítica.
A nossa intervençom no local e no meio, como equipa educadora, é importante e tentamos nom sobrecarregar visualmente as salas, incorporar materiais naturais e utilizar ferramentas ou móveis que fomentem a autonomia.
Semente infantil está pensada para o período de 2 a 6 anos.
Semente Primário
A Semente é também um espaço de pedagogia transformadora ao serviço dos interesses comunitários. Para Semente, o processo de aprendizagem implica umha aquisiçom de habilidades relevantes para o desenvolvimento pessoal e umha transformaçom social:
• Aquisiçom de conhecementos,
• Aquisiçom de hábitos e valores que propiciam umha aprendizagem automático e sustentado no tempo, durante o período escolar e dos anos formativos.
• Adquisiçom de habilidades que permite a aplicaçom prática de coeficientes detectados (Ex: trabalho cooperativo, desenho e desenvolvimento de projetos, tabalho autónomo, capacidade de autoavaliaçom).
• Aquisiçom de consciência emocional que permite umha regulaçom ótima das emoçons e, deste jeito, umha coerência entre o que “se pensa”, “se sinte” e “se fai”.
• Partindo da perspectiva construtivista, o processo de ensino terá como principal protagonista a aluna, que será a construtora da sua própia aprendizagem, coa educadora como mediadora e guía.
A Semente é umha escola comunitária que resposta a umha variedade de necessidades sociais e tenta formar crianças com pensamento crítico e livre, tornando a sociedade um lugar menos individualista e mais comunitário.
Está pensada para o período de 6 a 12 anos, organizada por recantos e onde se trabalha por projetos.
Através dos recantos, as alunas adquirem conhecimento que lhes corresponde por nível educacional a partir de propostas sugeridas. Trabalham com materiais manipulativos reais que diretamente tenhem que ver coa realidade ao seu redor. Todos esses trabalhos som desenvolvidos em equipes e cada aluna realiza autonomamente o trabalho sugerido individual ou coletivamente.
Nos projetos, o trabalho cooperativo é básico para poder responder às perguntas que querem saber às próprias alunas. Som as alunas que decidem sobre o que desejam pesquisar e o seu objeto de pesquisa. Elas buscaram informaçons cos recursos existentes nas suas casas, bibliotecas ou outros lugares e, assi, daram respostas às suas curiosidades e interesses e, no caso nom poder dar respostas saber o por que nom foi possível. Tudo isso servirá para esclarecer o que precisamos melhorar para pesquisas futuras e o que pode fazer cada umha para que este modo de trabalhar funcione. Os assuntos a serem investigados som questons atuais que preocupam às nossas alunas; pode ser o machismo, os pássaros que nos rodeiam ou o sistema solar.
As assembléias que fazem parte de nossa metodologia som um bom momento para mostrar sentimentos e emoçons, além de refletir juntos e tomar decisons. Ao termos que trabalhar constantemente com os outros sempre surgem conflitos e queremos aproveitá-los para trabalhar a parte emocional. Queremos insistir nos sentimentos das pessoas nesses momentos e nom afetar o ato em si, prestar atençom em como se sentem todas e em como podemos reparar a situaçom que causou o desconforto cuidando do que as pessoas precisam, principalmente quando um deles está danificado. Elas devem perceber o que aconteceu e refletir sobre os seus próprios sentimentos e os das outras. Além disso, o aspecto emocional é trabalhado diariamente por meio de umha variedade de dinâmicas: jogos cooperativos, arte e emoçons ou expressom corporal.
Além dos projetos e recantos, há outros momentos que se usam para trabalhar arte, plástica, música ou Educaçom Física. É comum apoiar-nos em recursos humanos oferecidos pola nossa comunidade, onde existem artistas que com frequência costumam trabalhar na escola. Os espaços escolares para realizar as propostas artísticas som modificados e adaptadaos de acordo coas nossas necessidades. As saídas a concertos, teatro ou exposiçons som comuns na nossa escola. O uso espaço e tempo flexíveis permitem umha variedade de experiências de aprendizagem. Frequentemente também fam saídas ao monte ou a áreas naturais por perto que mudam a rotina diária e permitem sacar proveito ao meio mais próximo e aos tempos escolares de jeito diferente. Para as crianças todo isto serve para serem conscientes das suas açons no contexto natural, para terem as ferramentas que reduzam a pegada ecológica e para aprenderem mais sobre o meio ambiente.
Estamos na Rua das Salvadas 47, na Rua Torreira 23-25 e na Rua do Céu, 3, Compostela: