Notícias de primário
Aqui retransmitindo desde a Semente Primário, o primeiro trimestre já passou, e com ele muitas cousas interessantes. Já quase cinco meses desde que começamos com muita esperança e alegria, que continua a medrar dia a dia.
…
Crónica das Salvadas: Amigável outono.
Vamos-vos contar o que aconteceu no tempinho decorrido desde que o ano começou.
É muito o movimento que temos nas Salvadas. As crianças chegam com esperança cada manhá, com muita vontade de brincar e de partilhar tempos, petiscos e aventuras coas companheiras.
Aqui umha amostra dalguns dos nossos momentos favoritos:
Com os jogos musicais, desfrutamos do movimento, da dança, do ritmo e da alegria que sentimos com a música.
…
Crónica da Torreira: “A máquina do tempo”
Este novo ano despedimos companheiras que já som grandes e dam o pulo a primário mas muitas nom vam muito longe… da rua do Céu à Torreira, no autocarro nº 4, é um saltinho. Beijos a todas e todos!
Também recebemos outras muitas companheiras com que já estamos a trabalhar para criar grupo, e a familiarizaçom com o espaço, educadoras e companheiras vai por bom caminho. Bem-vindas/os!
Na nossa aula começamos o curso trabalhando no quintal e criamos umha estrutura em altura com pneus para saltar, escorregar, trepar… segundo as capacidades de cada umha. Também plantamos uns repolos na nossa horta!
Crónica das Salvadas: Um novo ano bota a andar… e nós com el!!
Já vai aló um mês desde que começárom as aulas, um mês… tanto e tam pouco!
O primeiro dia as salas aguardavam com ánsia a algazarra de nenas e nenos a brincarem e passar bem e para nom esquecer-se de nengumha ali estavam os nomes de todas as crianças, escritos na lousa magnética.
…
Crónica das Salvadas: Um novo ano bota a andar… e nós com el!!Ler máis »
Começou o ano na Semente… e também no novo centro de primário!
A Semente Compostela inícia o curso: abre Semente de Primário e começam 19 crianças novas em Infantil.
A Semente de Infantil iniciou este curso com 19 crianças novas entre os dous centros compostelanos -o das Salvadas e o da Torreira- que já somam quase 50 famílias a participar neste projeto educativo de imersom e proteçom lingüística.
…
Começou o ano na Semente… e também no novo centro de primário!Ler máis »
Cursos novos a partir de outubro!!
CURSOS DA SEMENTE PARA CRIANÇAS DE 2 A 12 ANOS
Informaçom dos cursos 2018-19
Começo a partir do 1 de outubro. Sem matrícula. 18€/mês para pessoas associadas a Semente e 20€/mês para nom associadas (menos regueifa que será de graça). Os pagamentos farám-se por domiciliaçom. Com inscriçom prévia em info@sementecompostela.com até 19 de setembro. Indicar nome da criança, idade, telefone e se sodes sócias da Semente.
…
Última crónica da Torreira!
Uff
já passou quase um mês desde que acabamos e eu sem fazer a minha última crónica… Desculpai mas o fim de ano foi muito intenso e sentido e aliás no dia 1 de Julho conhecim umha persoa com a qual me passam as horas sem eu decatar-me. Agora que tenho um tempo vou redimir-me e contar-vos que foi o que aconteceu nos últimos tempos deste ano.
Muitas cousas, muitas…
e nós ao nosso, continuamos com o projeto do universo e deu muito de si, aprendemos cada semana algo novo dos planetas do sistema solar:
com Marte figemos um experimento para conseguir que a areia do quintal apanhasse a cor do planeta; pedacinhos de ferro e regar cada dia um bocadinho, a ferrugem fijo o resto.
Júpiter é o planeta maior e por isso também a civilizaçom romana o chamou como o seu deus mais poderoso.
De Saturno destacam os seus anéis que descobrimos que estám formados por partículas de gelo, figemos experimentos com gelo.
Urano descobriu-se há pouco que cheira a peido e ovo podre, pois figemos o experimento de deixar um ovo apodrecer dentro dum bote e si, os gases que desprende a descomposiçom cheiram mal!
e Neptuno é o gémeo de Urano mas um bocadinho mais asseado e chama-se assi polo Deus do mar que tem que ver com a sua cor.
Obrigadas a Marcos por emprestar-nos esse telescópio molom ainda que as nuvens nom nos permitissem ver todo o que gostaríamos.
Com todas estas cousas e muitas mais descobertas chegamos ao fim de curso da mao da nossa aventureira favorita Valentina.
Crónica das Salvadas: “Do tanto que gozamos com as vossas visitas!!!”
Hoje imos-vos contar …
“Do tanto que gozamos com as vossas visitas!!!”
Quando vos deixamos a última vez andávamos a plantar os alhos porque como bem di o refraneiro “tantos dias tem janeiro como tem que ter o teu alheiro” mas hoje os alhos já estám crescidos e nós nom vos queremos contar do nosso dia a dia…
Que si que celebramos o entruido, o 8 de março, o dia de Rosalía, o 25 de abril, os maios e umha cheia de cousas mais, mas do que vos queremos falar é da participaçom das nossas famílias
…
Crónica das Salvadas: “Do tanto que gozamos com as vossas visitas!!!”Ler máis »
A crónica das Salvadas
Andava a passar fotografias ao computador e reparei que nom tenho tanto material gráfico como noutras ocasions, ainda assi eis um pedaço do muito que aconteceu. Um anaco escasso, suponho, que representa umha parte nada mais, insuficiente penso, do dia a dia nesta nossa escola.
Certamente fôrom meses duros, com mais água e menos saídas do que gostamos, com novidades e novas chegadas de crianças. Damos formalmente na rede a benvinda ao Ícaro, que chegou para lembrar-nos o que é o desafio de medrar neste mundo tolo. Benvindo Icarinho, benvindo!
…
OFERTA DE EMPREGO
A Semente abre umha convocatória pública de trabalho para os seus centros de ensino de Compostela e Trasancos. Procuram-se perfis de educadora infantil, educadora de primário e monitora de tempo livre.
Requisitos:
- Titulaçom de mestra de infantil ou de primário, técnica superior de educaçom infantil ou qualquer formaçom relacionada com a educaçom e a animaçom social com experiência (mestra, educadora social, psicopedagoga, técnica superior em educaçom infantil, técnica superior em animaçom sociocultural.
- No caso das monitoras/es de tempo livre, imprescindível domínio de inglês.
- Compromisso ativo com a língua e qualidade na sua expressom oral.
Valorizará-se:
- Formaçom em questons de género
- Participaçom em movimentos sociais
- Experiência
- Vinculaçom com o projeto Semente
- Domínio de inglês e acreditaçom do seu conhecimento
Enviar currículos a:
Para Compostela: curriculos@sementecompostela.
Para Trasancos: info@sementetrasancos.gal