Descobrimos que em Compostela na Idade Média também havia um castelo e que ainda por cima foi destruído polas irmandinhas/os.
Lá fomos visitar o castelo da Rocha Forte logo de trabalhar na aula e desobrir umha cheia de cousas sobre como se vivia naquela altura, quem vivia dum jeito e quem doutro, como eram os castelos, para que serviam…
Também descobrimos cousas sobre quem eram as irmandinhas/os e que situaçom provocou essa revolta. Queremos que as nossas crianças conheçam a realidade dum ponto de vista crítico e que a relacionem com situaçons semelhantes que vivemos hoje…
E nas aulas começamos com umha caixa fazendo umha torre, com outra torre e afinal tivemos o nosso próprio castelo.
Antes provamos a fazer umha maqueta com umha caixa de panos e uns rolos de papel e também figemos castelos com peças de plástico.
Também dá tempo para trabalhar na horta, sair passear polo rio e brincar com os estalotes que encontramos polo caminho.
