O projeto

 As Escolas de Ensino Galego Semente som umha iniciativa social sem ánimo de lucro, impulsionada pola Gentalha do Pichel que pretende conformar, junto com outros projetos semelhantes, as bases necessárias para a criaçom da Escola Nacional Galega.

Tomam o seu nome das Escolas de Ensino Galego criadas a começo do século XX polas Irmandades da Fala, e impulsionadas por Leandro Carré e Ángelo Casal.

Nas Escolas de Ensino Galego, todas as atividades serám desenvolvidas na língua do nosso povo, favorecendo a aquisiçom, conservaçom, cuidado e consolidaçom da mesma. Entendemos o idioma galego como parte indissolúvel da nossa cultura, da nossa história e do nosso futuro, e defendemos o seu carácter internacional; criando um espaço de interculturalidade formentará-se a importáncia do respeito á outras culturas que vivem no nosso país.

As Escolas de Ensino Galego som um espaço de uma pedagogía transformadora ao serviço dos interesses populares. Defendemos para o centro de ensino:

A Semente

  • Coeducaçom
  • Laicidade
  • Assemblearismo
  • Interaçom com a natureza
  • Respeito pola autoregulaçom da criança
  • Integraçom no contexto do seu bairro e da cidade.

 

A Semente Compostela

O nosso projeto fai-se realidade nos centros de Vista Alegre e Torreira, em Compostela, os nossos primeiros centros. Estám situados na rua Salvadas nº 47 e Torreira 23-25 e contam com espaços adequados às idades e com umha horta de mais de 100 m2.

Como colaborar

A Semente Compostela sustenta-se por meio de trabalho militante, por quotas de colaboradoras e colaboradores, que, mesmo sem ter necessidade dos serviços de umha escola, acreditam que temos que dar soluçom á necessidade de ter um ensino na nossa língua. As achegas económicas podem-se fazer como umha quota mensal, dando-se de alta como colaboradora ou fazendo doaçons pontuais na conta 2080 0316 29 3000242136.

Na Semente Compostela existe a possibilidade de pedir umha bolsa de estudos, que é a maneira de fazer acessível para todos os petos. Para isto, queremos alargar a nossa rede de colaboradoras que é o que nos permite facilitar esta possibilidade.

Princípios pedagógicos das Escolas de Ensino Galego.

Nas Escolas de Ensino Galego, todas as actividades som desenvolvidas em galego, favorecendo a aquisiçom, conservaçom, cuidado e consolidaçom do nosso idioma. Entendemos a língua galega e o seu carácter internacional como parte indissolúvel da nossa cultura, da nossa história e do nosso futuro.

As Escolas de Ensino Galego som um espaço  de pedagogia transformadora que entende a escola como parte  integrante  da sociedade; pretende servir aos interesses populares garantindo um  processo de ensino aprendizagem democrático e fazendo possível que as crianças sejam cidadás livres e  críticas.

As Escolas de Ensino Galego som  um espaço de criatividade e inovaçom onde, Criatividade e Innovaçomatravés do pensamento criativo ou lateral som proporcionadas as ferramentas necessárias para o desenvolvimento das capacidades artísticas e a imaginaçom das crianças. Com  o pensamento criativo as crianças observam as  situaçons  e os problemas  de todos os ángulos possíveis podendo gerar, com  criatividade e inovaçom, mais de umha resposta para resolverem diferentes questons.

As Escolas de Ensino Galego som um espaço laico. A educaçom laica representa a liberdade de consciência e do direito humano, da toleráncia e da democracia. Umha escola livre de qualquer imposiçom, propaganda ou doutrinamento religioso.

As Escolas de Ensino Galego som um espaço de coeducaçom. Um espaço de Igualdade de Xéneroeducaçom integral para as crianças com umha educaçom baseada na igualdade de género em todos os aspectos da vida. Um espaço nom patriarcal e sem machismo que favorece o caminho das nossas crianças para o empoderamento, quer dizer, para assumirem o controlo da suas próprias vidas.

As Escolas de Ensino Galego regem-se por assembleia, um modelo de decisom em que participam dumha forma horizontal  pais, maes, professoras e crianças. A educadora ou educador e as famílias mantenhem umha relaçom directa e de confiança no que respeita à educaçom conjunta das meninhas e meninhos.

As Escolas de Ensino Galego snatureça (5)om um  espaço para umha educaçom inserida na natureza em que as crianças percebem os valores ambientais da nossa terra mediante a interacçom com o ambiente, através das saídas, roteiros, uso da horta, etc. Mas também no próprio espaço da escola favorecendo o uso de  materiais reciclados ou o consumo responsável.

As Escolas de Ensino Galego defendem a liberdade responsável, o respeito e a autoregulaçom; a educadora ou educador confia plenamente na criança; respeita-a como pessoa respeitando também as suas emoçons, tentando proporcionar as ferramentas para elas solucionarem os seus conflitos por si mesmas.  Tenta-se favorecer a plena consciência por parte da criança da sua liberdade, mas também da existência de uns limites básicos de respeito a outras pessoas e  ao seu contexto.

As Escolas de Ensino Galego som um espaço educativo interactivo onde a pessoa educadora é umha mediadora que acompanha a criança no seu processo de aprendizagem; a relaçom pedagógica consiste no provimento das condiçons em que educadora e criança podam colaborar para fazerem progredir essas trocas que favorecem  o  desenvolvimento integral  dos pequenos e pequenas e a aprendizagem mútua.

Nas Escolas de Ensino Galego a relaçom entre professorado e estudantes convive num mesmo plano de entendimento e respeito mútuo. É mediante o amor, a compreensom e a empatia que pais, maes e professorado melhor podem levar estes princípios à criança.Professorado

As Escolas de Ensino Galego som um espaço de interculturalidade onde as crianças compreendem a importáncia e o respeito de outras culturas que vivem no nosso país e  que permitem interagir, crescer e trabalhar conjuntamente.

As Escolas de Ensino Galego som espaços abertos à comunidade, que se preocupa com a realidade do bairro e da vizinhança de Compostela, tratando-se portanto dumha educaçom ligada à realidade do povo.