A crónica das Salvadas

Andava a passar fotografias ao computador e reparei que nom tenho tanto material gráfico como noutras ocasions, ainda assi eis um pedaço do muito que aconteceu. Um anaco escasso, suponho, que representa umha parte nada mais, insuficiente penso, do dia a dia nesta nossa escola.

Certamente fôrom meses duros, com mais água e menos saídas do que gostamos, com novidades e novas chegadas de crianças. Damos formalmente na rede a benvinda ao Ícaro, que chegou para lembrar-nos o que é o desafio de medrar neste mundo tolo. Benvindo Icarinho, benvindo!

icaro Continuar a ler

SEMENTE SECUNDA A GREVE FEMINISTA PORQUE É DE JUSTIÇA!!!

Semente trabalha sempre olhando para ao futuro. Temos entre nós muitos futuros possíveis que cada dia nos olham nos olhos com alegria, observam os nossos movimentos com curiosidade ou procuram respostas em cada um dos interrogantes que nos colocam.

A justiça está sempre presente, atrás dum brinquedo abandonado na areia e reclamado por várias crianças, agachado entre a experimentaçom partilhada entre umha nena e um neno, prendida na coroa improvisada dumha nena que pergunta sobre o que hai que fazer para ser princesa de verdade, no capacete da cosmonauta Valentina Tereshkova ou na imersom linguística que caracteriza o centro.

Continuar a ler

Crónica: “os lumes vírom-se desde o espaço”

Há umha cheia de tempo que nom vos contamos as nossas aventuras e nom sei se darei condensado tanta cousa que passa.

Enquanto estávamos a trabalhar as árvores autóctones sofremos no país umha grande vaga de lumes que nos fijo ficar a todas bem tristes; ainda que comentando o tema na assembleia e com um ambiente bem triste, um de nós comentou que el si que gostava, e muito, do lume. E porque? -perguntamos todas.- Porque podes fazer churrasco! Falamos na assembleia destas cousas e chegamos à conclusom de que seria bom fazermos algo para conscientizar a sociedade de nom fazer lumes. Preparamos uns cartazes e figemos umha manifestaçom polo bairro com colagem de cartazes. Mas também queríamos fazer algo para transformar um bocadinho a realidade e fomos apanhar landras num dos nossos passeios polo monte e temo-las sementadas em copinhos para transplantar quando agromarem, que nom gostamos de tanto eucalipto.

JANTAR DE APOIO À SEMENTE

O sábado 25 de Novembro organizamos um jantar de apoio à Semente Compostela no C.S. O Pichel. Se queredes colaborar com o nosso projecto e vir desfrutar dum jantar  agradável, podedes anotar-vos no nosso mail  infoARROBAsementecompostela.com.

As crianças pagam 3€ e as adultas 12€ ou 15€.

Teremos atuaçons, sorteios e algumha surpresinha. Esperamos-vos!

CRÓNICA: UM NOVO ANO E NOVAS PEGADAS DE SEMENTES

Já vam lá 2 meses e deu para ir conhecendo-nos um pouco mais entre as que já estávamos : Violeta, Xaquín, Carme, Brandam, Uxía, Leo, Rosalía, Antón, Vera, Nerea e a nova criança que entrou a Sarela, Ben-vinda! Mas também mandar beijinhos às crianças que já nom estám: Xoana e Ézaro ( abraços e beijos de todas nós).

Deseguido contar-vos alghumha das cousas que estivemos a fazer:

Pois começamos o dia relaxando-nos: os braços, as pernas, o pescoço e finalmente atendemos à respiraçom e senta-nos muito bem!. Cada dia temos umha criança que fai de ajudante da assembleia: dá os bons dias, as fotos e convida a pôr o tempo e o dia do mês em que estamos e contamo-nos muitas cousas…

FOTO 1

FOTO 2 Continuar a ler