Novos cursos!

cartaz NOVOS CURSOS 2015

DANÇA E BAILE TRADICIONAL para crianças

 

3ª Feiras de 17h a 18h.

Começo 3 de Março.

Preço: 18€/mês (15€ sócias, colaboradoras, irmás ou desempregadas)

Minimo de participantes: 10 crianças

Lugar:  Semente (r/ Salvadas)

 

Com Marta Otero, licenciada em magistério na especialidade de Educaçom Musical; bailadora tradicional e monitora de tempo livre. Marta achegará às crianças (de 3 a 6 anos) e às suas familias* umha forma inovadora e criativa de aprender a Dança e o Baile Tradicional, fusionando a tradiçom com a modernidade. Aliás, neste obradoiro o baile e a dança serám o pretexto para trabalhar áreas do conhecimento do curriculo escolar: matemática, línguas, ciências sociais, ciencias naturais ou educaçom artística. A dança quer converter-se, neste obradoiro, numha forma de comunicaçom e expressom corporal própria, polo que a sua aprendizagem partirá da perspectiva da educaçom sócio-afetiva, da educaçom em valores e do trabalho cooperativo.

 

 

ESTIMULAÇOM COM RIMA E REGUEIFA. A REGUEIFA COMO FERRAMENTA DE DESENVOLVIMENTO PESSOAL E COLETIVO (para maes, pais, educadoras)

Sexta feira 27 de março de 18h a 20h
Preço 5€ para pessoas sócias, colaboradoras ou no desemprego (8€ para pessoas que nom estejam nesta situaçom)
Lugar: O Pichel (R/ Sta Clara 21)

A regueifa tem um enorme poder criativo, estimulante, lúdico e socializador. Estimula o humor, favorece o desenvolvimento da linguagem e cria vínculos com as crianças. O processo desde os primeiros ritmos e rimas com sons e linguagem até a criaçom de regueifas inteiras pode ser conformar-se como um jogo mais na relaçom com as nossas crianças.   Esta palestra quer mostrar a experiência dum pai, Séchu Sende, que regueifa com as suas filhas desde que nascêrom, e dum regueifeiro cultivador de rimas e pimentos, Pinto de Herbón junto seu filho Xairo, que já regueifa com ele.  O objectivo é animar outras mamás e papás a fazer da regueifa um recurso para o crescimento pessoal da criança. E, além disso, porque nom?, quer propor a regueifa como umha ferramenta para o tempo de ócio e, a meio e longo praço, para a promoçom social da língua na infáncia de forma coletiva.

CONTAR PARA CRESCER: UM ACHEGAMENTO À NARRAÇOM ORAL PARA FAMÍLIAS E EDUCADORAS

Sábados 11 e 18 de abril
Horário: de 11h a 14h
Preço: 12€ para pessoas sócias, colaboradoras ou no desemprego (15€ para pessoas que nom estiverem nesta situaçom)
Lugar: O Pichel (R/ Sta Clara 21)

Porque todas temos oralmente nas nossas conversas quotidianas: contamos o que nos aconteceu, o que vimos e nos impressionou, o que nos contárom, o que sonhamos e que imaginamos.  A oralidade de nossas conversas será o ponto de partida na nossa formaçom como narradoras, e será assim como da palavra passaremos à história e contaremo-lo da mesma forma que conversamos sobre as nossas vivências, porque, queiramos ou nom, todos somos narradoras inconscientes.  Este curso será umha primeira abordagem à narraçom oral e servirá para perder medos, brincar e contar. O final será umha entrada em cena mostrando todo o que aprendemos ao público mais próximo e querido: as nossas famílias e crianças. 

Vero Rilo é contadora de histórias em Daboapipa e educadora da Rede de Escolas Infantis da Galiza.Formada como Educadora Infantil e integradora Social e uma trajetória de trabalho em diferentes escolas da Rede de Galinhas Azuis, e fora do país no sistema de educaçom privada em Portugal. Aliás tem formaçom em Audiçom e Linguagem pola UDC para Comunicaçom em Língua de Sinais Espanhola pola FAXPAGA  No campo teatral recebeu ensino em Improvisaçom Teatral da mao de António Coucheiro e Alfonso Medina, para continuar até os dias atuais com a formaçom regular actoral na Escola Espaço Aberto, com Carlos Neira, além de formaçom específica em narraçom oral com Tim Bowly e Charo Pita.  Cursou voz com especialistas como Pablo García ferrado e Cristina A.