OS CURSOS DA SEMENTE JÁ ESTÁM AQUI!

 

cursos14

CURSOS DA SEMENTE

A Semente é um centro de ensino onde todas as atividades som desenvolvidas na língua do nosso povo, favorecendo a aquisiçom, conservaçom, cuidado e consolidaçom da mesma. Entendemos o idioma galego como parte indissolúvel da nossa cultura, da nossa história e do nosso futuro, e defendemos o seu carácter internacional; criando um espaço de interculturalidade formentará-se a importáncia do respeito á outras culturas que vivem no nosso país.

Com os cursos monográficos queremos achegar às crianças e famílias estes mesmos valores, trabalhando com umha focagem didática e lúdica mas também assemblear, e é por isso que no primeiro dia das aulas teremos um espaço para partilharmos dúvidas, ideias e sugestons entre participantes, professoras e Semente.

Dúvidas e inscriçons em info@sementecompostela.com com o assunto “CURSO”. Inscriçons por ordem de chegada até se esgotarem as vagas.

CURSOS:

COM A COMIDA BRINCA-SE!
Obradoiro de Cozinha Criativa Úrsia Gago.

5ª Feiras de 17h a 18h30. Começo 2 de Outubro. (Duraçom de três meses).

Preço: 15€/mês (12€ sócias, colaboradoras, irmás ou desempregadas)

Com Úrsia Gago, filóloga, actriz e apaixonada pola cozinha e a criaçom artística.

Obradoiro destinado a crianças de 3 a 6 anos que querem descobrir o prazer de brincar com os alimentos, preparar receitas e seguir todo o processo de elaboraçom da comida da horta até a mesa.
No curso…
-Espertaremos o interesse das crianças polos alimentos
-Realçaremos as suas capacidades criativas à volta dos alimentos através da composiçom e o desenho.
-Mostraremos todo o processo de elaboraçom da recolha na horta até a
chegada ao prato.
– Realçaremos o desenvolvimento sensorial, empregando os cinco sentidos

 

DANÇA E BAILE TRADICIONAL
3ª Feiras de 18h a 19h. Começo 7 de Outubro

(Duraçom de três meses com possibilidade de continuaçom -curso anual-).

Preço: 18€/mês (15€ sócias, colaboradoras, irmás ou desempregadas)

Minimo de participantes: 10 crianças

Com Marta Otero, licenciada em magistério na especialidade de Educaçom Musical; bailadora tradicional e monitora de tempo livre.

 

Marta achegará às crianças (de 3 a 6 anos) e às suas familias* umha forma inovadora e criativa de aprender a Dança e o Baile Tradicional, fusionando a tradiçom com a modernidade. Aliás, neste obradoiro o baile e a dança serám o pretexto para trabalhar áreas do conhecimento do curriculo escolar: matemática, línguas, ciências sociais, ciencias naturais ou educaçom artística. A dança quer converter-se, neste obradoiro, numha forma de comunicaçom e expressom corporal própria, polo que a sua aprendizagem partirá da perspectiva da educaçom sócio-afetiva, da educaçom em valores e do trabalho cooperativo.

*Para as maes e pais que quigerem, fará-se umha sessom mensal aberta à sua participaçom.

 

OBRADOIRO DE MASSAGEM PARA BEBÉS

Sábados 1, 8, 15, 22 e 29 de Novembro de 11h a 13h. Convidamos todas as pessoas interessadas a participarem na 1ª sessom do obradoiro, sem compromisso, no dia 1 de Novembro.

Preço: 100 euros/família (90€ sócias, colaboradoras, irmás ou desempregadas)

Com Belén Piñeiro Álvarez, Pedagoga e Educadora de Massagem Infantil

O Objectivo deste monográfico é promover o desenvolvimento integral através do tacto e da comunicaçom, fornecendo vínculos afetivos entre bebés e as suas maes, pais e pessoas cuidadoras, avivando a atençom às necessidades das crianças, favorecendo umha melhor qualidade de vida dos novos bebés e das suas maes, pais e coidadoras.

As pessoas assistentes começarám umha experiência em que se tratará: teoria e prática da massagem; relaxaçom polo tacto; técnicas específicas para aliviar cólicos, gases, congestons, estrenhimento, etc; O choro; a massagem nas diferentes idades; todos aqueles temas que puderem surgir ao longo da experiência do obradoiro a partir das necessidades e situaçom do grupo.

E PROXIMAMENTE… cursos de teatro, música, narraçom e muitos mais!!!!